Arada Manufacturing College

New Trainees

22nd October, 2025

የአራዳ ማኑፋክቸሪንግ ኮሌጅ የቅበላ ቅስቀሳ ስራዎችን በመስራት ላይ ይገኛል፤

አዲስ አበባ፣ ጥቅምት 12፣ 2018

የአራዳ ማኑፋክቸሪንግ ኮሌጅ ከአራዳ ክፍለ ከተማ ትምህርት ጽህፈት ቤት እና ከአካባቢው ሁለተኛ ደረጃ ትምህርት ቤቶች ጋር በመተባበር አዲስ ተመራቂዎችን ወደ ቴክኒክና ሙያ ትምህርትና ስልጠና መርሃ ግብር ለመሸጋገር የሚያስችል የጋራ የቅስቀሳ ስራዎች በማካሄድ ላይ ይገኛሉ፤

ይህ የተቀናጀ ጥረት የሁለተኛ ደረጃ ትምህርታቸውን ያጠናቀቁ ተማሪዎች የቴክኒክና ሙያ ትምህርትና ስልጠናን እንዲቀላቀሉ በማድረግ የምዝገባ ሂደትን ለማቀላጠፍ እና ከኢትዮጵያ የስራ ገበያ ፍላጎት ጋር የሚጣጣም የተግባር ክህሎት ስልጠና እንዲወስዱ ለማድረግ ያለመ ነው።

በዚህ ቅስቀሳ ስራ ተማሪዎች በአራዳ ማኑፋክቸሪንግ ኮሌጅ በሚሰጡ የቴክኒክና ሙያ ትምህርትና ሥልጠና መርሃ ግብሮች ኦረንቴሽን፣ የሙያ መመሪያ እና ቀጥተኛ የምዝገባ ድጋፍ ያገኛሉ፡፡

የአራዳ ማኑፋክቸሪንግ ኮሌጅ ም/ዲን የሆኑት አቶ አለሙ ሀይሉ እንዳብራሩት "ይህ ትብብር ሰልጣኞች ስለወደፊት ህይወታቸው በመረጃ ላይ የተመሰረተ ውሳኔ እንዲያደርጉ እና ፍላጎታቸውን እና የገበያ ፍላጎትን መሰረት በማድረግ ከትክክለኛው የሙያ መስመር ጋር እንዲጣጣሙ ያደርጋል" ብለዋል።

ይህ የቅስቀሳ ስራ የሙያ ስልጠና ተደራሽነትን ለማስፋት እና የወጣቶችን ስራ አጥነት በመቀነስ ረገድ መልካም የሚባል ተግባር መሆኑ ተመላክቷል፡፡

<<ከፍታን ማፅናት፤ ነገን ማላቅ>>

New Trainees

Created with